本地車市近期變得好熱鬧，唔少汽車代理商都希望年底前推出更多新車款。沉寂咗好一段日子嘅韓國雙龍（Ssangyong）汽車，據知代理商的嘉信汽車想重新大張旗鼓，除秘密地在灣仔告士打道率先開設獨立的陳列室外，還引入跟平治有血緣關係的全新Chairman車系，兼且重係至頂級的CM600L長陣版㖭！
造型咁有豪氣的高級Limousine轎車，定價不過50多萬，相信日後會吸引到唔少用家注目。其次，筆者重收到風，近年雙龍一部至帥的Rexton全天候SUV車，繼北美同歐洲備受買家追捧之後，香港代理揸Fit人LeoWong亦有意年底前引入此車到港，有興趣的車迷就要密切留意我哋進一步嘅消息喇！
記者：陳偉林