爆機狂迷：<br>扭擰超人拍拖出擊

爆機狂迷：
扭擰超人拍拖出擊

喺剛結束嘅東京遊戲展入面，《ViewtifulJoe2》成為CAPCOM三大試玩台柱之一，現場更有唔少機迷排隊爭相試玩，可算非常厲害。由於第一集反應奇佳，廠方不但決定移植至PS2，更連新作都一併推出GC、PS2版本。雖然遊戲要12月先推出，不過香港CAPCOM安排《蘋果》率先試玩，為大家介紹一下主角過癮嘅扭擰必殺技之餘，其女友亦將變身超人登場！

記者：許福合

這次筆者試玩嘅版本，主要係第一關舞台，由交代變身劇情，一路至對付Boss為止。雖然跟東京遊戲展版本稍有不同，不過第一版內容基本上好齊全，與上集不同嘅係，遊戲一開始時，已經能讓玩家選擇以Joe或Silvia開始，兩者分別在於往後學習到嘅技能不盡相同。當打倒第一版Boss後，還會出現正式版嘅預告。另外體驗版還會多出正式版沒有嘅新Game影像，讓機迷優先預覽CAPCOM來年新Game，如《大神》等大作片段。

我哋變身超人，儆惡懲奸拍住上！

■香港CAPCOM提供嘅試玩版，跟之前嘅《DevilMayCry3》紙盒裝差不多，印刷亦十分之精美。

Joe

■最後Boss係架大炮車，要好有技巧應付。

■體驗版包括CAPCOM其他遊戲預告片段。

■出招約5秒後變番普通人，要儲氣才可再變身。

動作快慢隨心
先講《ViewtifulJoe2》畫面風格，依然繼承上集嘅電影感，人物設定有美國漫畫風格，而且感覺上整個畫面都會動，好有動感。玩法主要係橫向動作遊戲，間中亦會加入動畫及3D畫面。遊戲最特別之處係按人物選擇而有特別技能，不過體驗版只可以玩到第一版，只能學到基本嘅VFX技。當人物變身後，可在限定時間內，按下L1掣發動SlowVFX技，畫面除咗玩家外會變成慢動作，敵人任打唔嬲，而力量亦會比一般強。而R2掣嘅FastVFX技則相反，玩家速度會倍增，連續攻擊更可打出火來。玩落去，Joe更可學到ZoomIn/Out，而Silvia則有重播絕招等，總之花樣多多。

Silvia

試玩版難度頗高
《ViewtifulJoe2》雖然係一個動作遊戲，不過亦講求腦筋才可找到出路，亦要動用唔同嘅VFX技能，例如有地方先要用慢動作將插頭駁上，再走到發電機用快鏡加速發電，才可繼續前進。試玩時體驗版未能如官方宣布般即時替換主角，而且並未提供難易選擇，看來設定在Normal水平，有點難度，不過可以無限Continuous，最後都讓筆者打到Boss處。Boss係一架會發彈嘅大炮車，打法要找準時機，發彈時使用慢鏡，再看準將彈打回去，總共要打4發，難度相當高。試玩完畢後，覺得整體遊戲性、畫面，《ViewtifulJoe2》都相當唔錯，值得期待。

■各自有唔同VFX技，Silvia就有重播，可將破壞力加倍。

■使用快鏡提升速度，可應付更多對手。

■對手變慢動作，自然任你打。

■要使用慢鏡，木頭才會升起。慢鏡

■使用快鏡狂跑幫發電機充電。快鏡

美版早到兼平$100
最新消息，雖然日版《ViewtifulJoe2》要到12月先有得玩，不過香港CAPCOM有計劃在香港引入GC美版嘅《ViewtifulJoe2》，讓機迷優先玩到，開賣日期大約於11月23日，遊戲內容除咗轉晒英文之外，其他完全相同，不過最正係價錢足足平成100元，會以約$298發售，擁有美版GC嘅機主不妨留意。

遊戲類型：動作
對應機種：PS2/GC
遊玩人數：1人
發售日期：12月16日
行貨售價：約$398
開發商：CAPCOM
(c)CAPCOMCO,.LTD.2004AllRightsReserved.
DevelopedbyCloverStudioCo,.LTD

■美版有機會早大半個月派貨，兼且全英文介面。