日前有人向本報報料，指任達華在美國有一位交往了十一年的女友Zhang小姐，更提供了任達華與Zhang小姐的合照。任達華昨日接受電話訪問時解釋說：「好多時fans都會上我房同我影相，好似馬來西亞嗰邊就有五、六個fans，每次我去親大馬佢哋一定嚟搵我，佢哋都有我手提號碼㗎！我認得個女仔係我一個製片嘅朋友，嗰次佢哋有成五、六個人一齊上我房度影相，我相信今次係fans惡作劇居多。」
琦琦昨日接受電話訪問時笑說：「一睇就知係假㗎啦，我哋唔會理囉。」
對有人提供合照，琦琦說：「華仔一年唔知同幾多fans合照啦，又唔係乜嘢親熱相，企喺度之嘛，當笑話一則囉，大家都唔會當真去理。」此外，琦琦好友陳嘉容昨日出席活動時亦說：「假㗎啦，琦琦今朝打電話畀我，我哋笑咗一輪，佢係最幸福嘅女人。」