日本女星米倉涼子個緋聞男友市川海老藏，上星期五去咗巴黎表演歌舞伎，而佢阿爸市川團十郎最近克服咗白血病，嗰日亦粉墨登場同個仔一齊表演。海老藏喺開場之前重用法文話：「雖然仍有不足嘅地方，但我會為咗唔令海老藏之名蒙羞而努力。」當日全場座無虛席，但係就唔見佢女友米倉出現。