浸會大學噚日公布頒授博士學位名單，獲得榮銜嘅除咗成功打入荷李活全球威威嘅港產荷李活名導吳宇森之外，重包括中西醫結合治療先驅陳可冀、台灣舞蹈家林懷民、香港設計之父石漢瑞，同埋快思邏輯之父盧菲特．澤德，各國人士齊晒，都幾有亞洲國際都市feel。
當然，小市民未必熟識佢哋每一個，但係各人嘅貢獻都有咁上下。好似石漢瑞，今日面世嘅渣打新鈔就係佢嘅手筆。不過八方最想認識嘅係陳可冀，呢位北京西苑醫院內科教授，聽講對清代宮廷醫藥秘史好有認識，如果無綫拍《金枝慾孽》續集，不妨搵佢做顧問，唔使搞到啲清宮御醫一日到黑淨係識落毒同搞婚外情。
傳真︰2623-9278
電郵︰