大家同樣係賣「芒」，點解冠捷（903）股價企得咁硬，而唯冠（334）走勢相對較弱？上周五小初終於明白點解，原來唯冠與摩托羅拉的合作計劃在一再延遲之後，終於拉倒收場。消息在上周五收市後公布，唔知今日唯冠股價會點樣？
唯冠喺去年10月公布同摩托羅拉合作，研發、行銷及經銷摩托羅拉為品牌的消費電子產品，包括電腦顯示器、液晶電視及等離子電視等，當時消息一出，唯冠股價炒到不亦樂乎，最高見過2.40元，但奇怪係好快就無以為繼，就算中期業績好靚仔，同埋全人類都話睇好LCD「芒」前景，但股價一樣踢唔起。經紀黃話，聽講有個別芬佬見有關計劃一拖再拖都未見到落實，已估到大事不妙，所以一直減磅。
唯冠上周五微跌1.84％，收1.60元，成交股數118.7萬股，金額192萬元，距離52周低位1.48元相去不遠。
唯冠計落差唔多夠時間公布截至今年6月全年業績，如果到時業績靚仔嘅話，或者會刺激股價造好啲。
慕容小初