精明消費：
新興書枱組合玩遮醜設計
今時今曰，相信每家每戶都有一部電腦，所以新款的書枱都會以組合的形式推出，既可作為書枱，又可以放埋電腦，有些更特設層板，擺放書本雜物，慳位實用。以下介紹的電腦書枱，每張都經過精心設計，無論放在書房還是客廳都一樣得體唔失禮。
記者：黃婉冰
攝影：楊錦文、蔡鴻雯
Model：Irene
連埋書架容量大又慳位
房細書又多，首選是連埋書架組合的款式，向高發展設計，有多層式層架可放大量書本之餘亦見慳位，怕堆得密麻麻亂七八糟好失禮？無問題，市面有不少新款書枱有「遮醜」設計，只要關上門或拉上簾，一下子就變得整整齊齊！
衣櫃形設計收得密實
設計創新
尺寸：闊120×深60×高74cm
設計師巧妙地將衣櫃外形設計成書枱組合，打開門，內裏附設層格、拉出式鍵盤層板及抽屜。將兩側的木門拉出關上，立時變成一個古舊款式的衣櫃，美觀高雅。
售價：$6,800（e）
鋁閘掩飾好幫手
尺寸：闊110×深57×高135cm
樺木製櫃形書枱組合，設有捲軸式鋁閘，拉下閘便可將書枱遮蔽，變成一個普通雜物櫃。將抽屜的面板拉下，就變成拉出式層板，可用來放鍵盤或做寫字枱面，設計慳位。
售價：$2,990（d）
拉簾設計歸一整齊
尺寸：闊97×深77×高190cm
這款簡單的書枱組合最適合放在角位，下層層板可放文件，上層活動層板可調校不同高度及距離，拉出式面板可放鍵盤，頂部更裝有軌道及簾，不用時可將簾拉上。
售價：$1,590（d）
多格式設計
尺寸：闊140×深75×高166cm
這款橡木紋書枱組合，多格式設計可放大量書本及文件。右邊設有磁性記事板，可用來貼Memo、寫留言，金屬隔板及層板可調校不同高度，以放置不同大小的書籍或打印機等。
售價：$990（d）
簡單設計好慳位
尺寸：闊72×深63×高94cm
外形設計特別，簡約具流線型，體積細小慳位，可提高空間感。層板可用來做書架，亦可放電腦顯示屏，附有拉出式層板放鍵盤，全張以木製成。
售價：$3,700（e）
分體式書枱連電腦枱
尺寸：長91.4×闊53×高198cm
日本亮光焗漆書枱連書架，設計枱中有枱，電腦枱下另有一張附有膠輪的書枱，可輕易拉出變成書枱。電腦枱設有拉出式面板可放電腦鍵盤、多個活動式層架及書櫃，實用率高。
售價：$2,599（a）
附設抽屜整齊收納文具
濕碎物件比書本重要多？咁你就需要一個附設多個抽屜的書枱喇，將所有文具、雜物、文件集中收納，隨時要用，一拉開抽屜就可即刻到手，夠晒方便！
雙活動枱面方便實用
尺寸：闊99.06×深55.88×高213.36cm
美國松木書枱組合，設有兩塊拉出式層板，可分別用來做寫字枱及放鍵盤，方便實用。主機及文件夾可放在枱下的活動式層格，書枱頂的書架設有雙趟門，避免書本封塵。
原價：$2,172
特價：$1,180（b）
有轆金屬架易搬動
尺寸：闊79×深51.5×高124cm
金屬支架配合強化玻璃枱面及拉出式層板，設計輕盈，重量比木製書枱輕。附有膠碌易於搬動，枱的上下均附有層板可放書本雜誌，枱側有伸縮式金屬架，用來放電腦主機啱啱好。
售價：$699（a）
開放式抽屜易於存取
尺寸：闊150×深75×高72cm
闊大枱面下分成三格，除中間一個抽屜為密封式外，兩側均採用開放式設計，感覺就像學校的舊式書枱一樣，可便於存取文件或書本。紅白色調配加一身圓滑造形，簡約前衞。
售價：$2,080（c）
多櫃設計放文具至啱
最多抽屜
尺寸：闊160×深80×高76cm
想將文具集中收納，可選這款設有特多抽屜的長枱。枱面有上揭式抽屜外，下面亦有多個大小不同的抽屜，可用來放CD、DVD、文件及其他文具。枱後可拉出電線，亦可用來作電腦枱之用。
售價：$3,290（d）
抽屜變鍵盤層板
尺寸：闊152×深65×高74cm
仿古色實心木書枱組合，復古味濃，將中間抽屜面板拉下放平，就可變成放鍵盤的活動式層板。左面長形抽屜可用來放文件夾，右面的大抽屜內設活動層板。
售價：$2,490（d）
闊大桌面着重空間感
以下介紹的書枱，無抽屜、無書架，只有一張闊大的枱面，論實用性或許及不上以上兩類的書枱組合，但正因為「乜都無」，所以空間感十足。枱上、枱下空無一物，有助提高視覺上的空間感。
活動式三桶櫃
尺寸：闊105×深60×高74cm
木製全白色書枱，枱底有個裝有膠轆的抽屜，可除時搬走以騰出更多空間。上兩個抽屜可用來放雜物文具，最下一個則最適合用來放文件夾。
原價：$699
特價：$499（a）
圓角抽屜夠安全
尺寸：闊100×深175×高95cm
書枱細細設有兩個抽屜及層板，層板可用來放少量書本或電腦顯示屏，抽屜用上圓角設計，避免小朋友撞傷，夠晒安全。全張以實木製造，耐用兼耐看。
售價：$2,880（e）
紫色大花生
細路至啱
尺寸：長150×闊75×高70cm
造形有如一粒大花生，紫色枱面加上銀色枱腳，賣相唔止小朋友鍾意，就連大人見到都會愛不釋手。大大張的枱面，幾個小朋友一齊做功課都絕無問題，另有銀色以供選擇。
售價：$499（d）
枱腳可校高低
尺寸：闊120×深60×高60-90cm
想一張書枱全家用，這張可調校高度的書枱就最適合不過。枱腳可由60cm調高至90cm，咁就大人同小朋友都用得。枱腳加有膠墊，可避免刮花地板。
售價：$590（d）
店舖資料：
(a）實惠
銅鑼灣怡和街1號香港大廈地庫 29237010
(b）翡翠籐器
紅磡黃埔花園十二期地下4號舖 31567288
(c）tintliving
銅鑼灣邊寧頓街5號 31043105
(d）宜家傢俬
銅鑼灣告士打道310號柏寧酒店地庫 31250888
(e）G.O.D
銅鑼灣禮頓中心霎東街入口 28905555
磨砂玻璃玩Cyber
尺寸：闊117×深78×高70cm
枱面用上磨砂強化玻璃，襯上磨砂銀色鋁枱腳及枱框，設計簡約Cyber。三角形通心枱腳，透視感較重，加上玻璃枱面，兩者配合下可將視覺上的空間感提高。
售價：$990（d）
有轆方便移動
尺寸：闊120×深70×高73cm
枱面用上立體設計同弧形線條，枱腳用上三支幼鋼作支撐，同樣有高度透視及空間感。枱腳裝有膠轆，可隨意搬動。膠轆有保險鎖，Lock住唔怕周圍郁。
售價：$2,610（c）