警政大樓落成，成為警隊心臟，行政、刑偵、行動支援三大部門分別佔據主樓，西大樓及東大樓，但咁猛嘅地方，就由「實Q」負責保安，大概為節約資源，亦因為太歲頭上邊個敢郁，實Q都夠照啦。事實亦冇乜大事故發生，只有啲笑話。
警界中人話，例如點樣戴委任證已經引起衝突。根據明文規定，進入大樓者要用繩將委任證掛在頸上，用夾都唔啱規矩。如果啲實Q揸正嚟做，好多大Sir都過唔到關，為免麻煩搞到要運路行。上個禮拜，就有個女文員為咗點樣掛委任證問題，同個實Q嘈起上嚟，好似重有人嗌非禮㖭。其實護衞公司所謂嘅實Q，好多都來自警隊，以往係同僚，點解現在咁多摩擦，就真係要問阿Sir至知。
傳真︰2623-9278
電郵︰