新一屆立法會，陳智思、何鍾泰、呂明華、石禮謙，加埋劉秀成，組成「泛聯盟」，個名點解無人知。
不過，唔明唔緊要，最緊要有票，當泛民主派同泛保皇黨拉鋸之際，呢五票加埋寶Baby一票，就決定勝負。當然大家一睇泛民聯嘅成員背景，都估佢哋好難起飛腳，話就話專業人士，功能組別，但係中聯辦一聲號令，照計都要聽話，所以大家就估係黃中指嘅問題，佢霸住中總個位唔肯走，搞到好多人唔高興，但係佢有曾憲梓撐腰，大家冇佢符，今次咪畀啲顏色你睇吓。
無論點，經此一役之後，泛民聯一舉一動肯定俾中聯辦盯實，其實早前中聯辦就想叫前早餐派受埋霍公子同黃中指佢哋玩，代替港進聯嘅角色，陳智思同石禮謙佢哋梗係唔制啦。
（圖）泛民聯成員（左起）陳智思、何鍾泰、石禮謙、呂明華以及劉秀成。
傳真︰2623-9278
電郵︰