「窮到燶，戴精工。」是上一代口頭禪。講這句順口溜只有兩種人，一是自嘲窮人，其實潛台詞係「精工好過不知幾多瑞士表啦」；其二係無知，事關60年代精工就推出GrandSeiko，即係「超聯級數」時計，現今最低型號都要二萬大元。見過日本手表水平之高，何須迷信瑞士出品？
香港枉稱購物天堂，就是沒有GrandSeiko買（台灣反而有）。不過想買精工又嫌三、五百元「7仔」見不得人，這個Sportura新系列則出得廳堂，全系列5個款式，各備有不同的計時機芯，黑色表面配耀眼橙針細節，100米防水功能，Sell的是運動造型。其中四表盤人動電能（Kinetic）計表價值$17,800，功能自是驚人，包括以1/10秒計時達12小時、6分鐘及12.2秒的時間，限量只有1,500枚，難怪會貴。
記者：何兆彬
查詢電話：27360235