每年喺香港山頂舉行嘅明德抬轎大賽，噚日搬咗去日本橫濱市山下公園舉行，剛好喺日本訪問嘅何志平局長除咗出席活動嘅開幕禮，重話要加強兩地各層面嘅文化交流喎。
咁人力車又的確有香港特色嘅，原來今次活動嘅發起人正是香港政府駐東京經貿辦事處首席代表方志偉，佢話希望為日本加添一點文化異彩。
噚日比賽一共有十九隊來自香港同日本公司以及社區團體嘅代表，橫濱市市長中田宏都有出席，冠軍最後由住友商事隊贏得，佢哋全部隊員可以獲贈香港旅遊大獎，下個月有機會來港睇原裝抬橋大賽㖭。
傳真︰2623-9278
電郵︰
