立法會開鑼，班議員各就各位，佢哋嘅助手亦陸續返工。唔少新任議員都打晒鑼想搵啲熟手助理，咁專跑議會線嘅前線記者就最受歡迎。張學明、方剛、范太同余若薇嘅助理都係記者出身，佢哋唔少係選舉時候已經幫手，好似湯家驊同梁家傑，都請咗助選團嘅核心成員繼續留任。
班大狀喺立法會議事堂排排坐，不過，議員辦公室就冇一齊，余小姐、湯大狀同梁家傑揀咗花旗銀行大廈六樓做聯合辦公室，同卿姐及張超雄做隔籬鄰舍，吳靄儀就繼續留守喺新顯利大廈。
由於花旗要翻新，所以三大狀重未入得伙，而民主黨今屆少咗兩個人，剛好可以坐晒喺政府總部西座四樓，鄭大班話，佢間議員辦公室都係喺四樓，正好喺民主黨前面，為民主黨看住個門口喎。
（圖）四大狀（左起）梁家傑、余若薇、吳靄儀同湯家驊喺立法會排排坐，但係辦公室就唔一齊。
傳真︰2623-9278
電郵︰