長毛梁國雄喺立法會橫衝直撞，簡直當各位尊貴嘅議員同傳統冇到，玩得非常咁過癮，搞到肥詹同大班都失晒色，都自認唔夠佢出位。
長毛一直以街頭戰士，反建制嘅形象示人，今次走入建制，當然會有好多衝擊，八方聽聞香港土共一講起長毛就痛恨萬分，皆因唔知佢聽日又會玩邊科。
一次八方撞到佳叔嘅下屬，中央政策組顧問曾德成（圖），問佢長毛都係要為人民服務，同中共應該啱傾，點知曾人大話長毛自稱托派，托派同中共，點會有偈傾呀。原來中共認史太林做爺爺，而托洛斯基就係史太林嘅死對頭，所以土共出於血緣嘅排斥，就梗係要趕絕長毛。
曾人大又一口否認中策組請唔到人。劉兆佳當年同中大請咗三年假，明年就到期，除非佢唔想做中大份工，否則老董都要物色人選接替佢，練乙錚做做吓都要炒魷，佳叔個位？一味把口識愛國就夠喇。
傳真︰2623-9278
電郵︰