中秋節過咗之後，天氣慢慢開始轉涼，冇幾耐就踏入冬季，大使最唔想睇到、但又經常會發生嘅悲劇，就係有長者因為抵受唔住寒冷天氣凍死。
就好似九八年本港經歷一次漫長嘅寒流，直接或間接奪去近一百名長者嘅寶貴性命，引起社會關注，當時嘅慘況大使仍然歷歷在目。
雖然近年社會各界多咗關注長者喺冬天嘅特別需要，舉辦各式各樣送暖行動，不過隨着人口老化，長者愈來愈多，需求亦都不斷上升，送暖行動永遠唔會嫌多。
蘋果日報慈善基金每年冬季都會舉辦大型送暖行動，同各社會服務機構合作，派贈寒衣同棉被，暖透長者心窩。去年，基金送暖行動有二千八百人次受惠，當中包括獨居弱老、低收入家庭、殘疾人士、籠屋戶、露宿者等。
今年送暖行動又係時候展開，如果社會服務機構打算籌辦有關活動，但欠缺經費或物資，不妨打個電話畀大使，我哋會盡量提供協助；另外，商戶想捐贈禦寒物資，更加係無任歡迎。至於一向支持基金嘅善長，大使又點會唔預你哋一份呢？你哋只要作出捐款，大使就會代勞，將你哋嘅心意送到有需要嘅人士手中。
查詢電話：29908688
「送暖行動」專戶捐款編號：C0670
暖流熱線
電話：29908688
傳真：23702192
電郵：
網址：