伏明霞嫁咗畀梁錦松之後好快生咗個女，𠵱家重陀緊第二胎，照計都差唔多成五個幾月，早兩個月伏明霞生日，佢同老公帶埋個女去食飯慶祝時，都未見肚，點知噚晚小伏同阿松相約馬時亨夫婦，重有一對夫婦朋友一齊喺中環食晚飯，小伏個肚已經籮咁大，佢哋三pair人喺中環南華大廈裏面嘅食肆食飯，由八點食到十點，小伏出嚟時見到有記者，匿埋唔想見人，阿松惟有拉住個老婆走，於是小伏就好似小鳥依人咁蹺住老公隻手行，睇落幾恩愛。當小伏被問到幾時預產期同有關郭晶晶嘅問題，佢就保持笑容唔出聲，反而阿松都講咗句：「辛苦晒大家。」然後先上車走人。 李志明攝
傳真︰2623-9278
電郵︰