房祖名前晚到商台接受訪問,提到早前被拍到他往林憶蓮家吃醉蟹,身為李宗盛徒弟的祖名前晚仍然稱呼憶蓮為師母,他說:「我哋唔係食醉蟹,係食上海餃子,食咗十隻,師母手勢好好,我比較少福份食到師母啲嘢。」
對早前成龍表示小龍女事件是其人生污點,祖名說:「佢嘅見解我唔清楚,我覺得最大傷害係我媽媽,我還可以,為咗保護媽媽,我會少說話,我自己已經唔孝順,重爆嘢就唔好,要做到孝順都幾難。」
有說許冠傑兒子加入樂壇撼祖名,祖名謂:「重好,多個音樂人,樂壇欠缺音樂歌手,我都想同佢合作交流,我唔怕比較,佢應該唔唱國語歌。」祖名因唱國語歌之故,頓變成海外歌手,年底無法角逐新人獎,他說:「我老竇話齋,冇獎唔緊要,最緊要觀眾鍾意,中國有十二億人聽國語歌,我覺得重着數啦。」
採訪、攝影:駱華齡