日本男星織田裕二前日同矢田亞希子等一班演員，為下星期一首播嘅富士日本電視台新劇《LastChristmas》出席記者招待會。呢套係織田繼《東京愛的故事》之後，相隔十三年再演出星期一晚九時正黃金時段播出嘅愛情日劇。雖然織田話習慣晒講肉麻對白，但當日喺記者會上，有記者要求織田同矢田蹺手合照時，織田竟一口拒絕，搞到矢田鬼咁尷尬。