許冠傑（Sam）昨晚假紅館舉行今年內最後一次的「繼續微笑會歌神演唱會」，他一如以往穿上豹紋衣服騎着綿羊仔出場，而阿Sam更講明會再次超時演出。
阿Sam在台上說：「我好似撞聾咁，點解聽唔到你哋啲聲㗎？我好脆弱，唔係冇心機做㗎！」說罷觀眾即有熱烈反應，阿Sam又說：「第一場乜都加料，我最鍾意乜都超，呢個就超浪漫、超唯美，重有超時！」而昨晚為演唱會擔任嘉賓的港姐冠軍徐子珊，亦照例獲阿Sam送豹紋袋。
此外，阿Sam及許冠英等昨日傍晚於紅館門外舉行拜神儀式，對於阿Sam長子許懷恩加入樂壇，許冠英說：「佢嘅水準確實唔錯，但唔應該睇佢嘅爹哋係邊個，應該睇實力。」
採訪：胡比 攝影：陳偉權