莫文蔚早前拍攝美白牙齒用品廣告，首次在幕前披嫁衣的她，竟然嫁給年僅四歲的小男孩。莫文蔚表示每當小新郎扭計狂哭，她即施展渾身解數令他破涕為笑。
莫文蔚（Karen）早前為Crest潔白牙貼拍攝新一輯廣告，她已第二度擔任該產品代言人，今次她穿着一身純白婚紗，展示一口雪白牙齒，在一班花仔花女襯托下，Karen化身漂亮的新娘子。
在廣告中，飾演新郎的男主角向Karen說：「你笑得咁靚，不如做我新娘啦？」本來十分浪漫的對白，竟出自年僅四歲的小新郎口中，令場面變得十分溫馨惹笑。
Karen說：「男主角好可愛，我幾鍾意佢㗎，我諗佢都鍾意我啩，我見佢幾次扭計撒嬌，喊到收唔到聲，我埋去𠱁吓佢，同佢玩吓，佢又笑番，好得意。」
對於第二次為該產品拍攝廣告，Karen表示十分滿意酬勞，她最開心是拍得她十分漂亮，那亦是她首次在幕前披嫁衣，Karen說：「唔知點解之前都冇機會做新娘角色，我覺得結婚係人生嘅大日子，女仔一定要靚足全場，而且最緊要係有充滿自信嘅笑容。」
