黃伊汶（Emme）和余文樂前晚齊到會展為李克勤的音樂會擔任表演嘉賓，身穿大露背裝的Emme搶去主角不少風頭，她笑言唱快歌自言要行性感。而克勤則笑言看着Emme長大，也看着她的衣着愈來愈少布。
李克勤、余文樂、黃伊汶及陳苑淇等前晚齊往會展，演出《新城克勤音域無限音樂會》，之前參加模仿克勤大賽的五位出線者亦有參與演出，而身穿大露背裝的Emme則搶去克勤不少風頭，連克勤都說：「我喺環球睇住佢大，睇住佢跳勁舞，睇住佢啲衫愈着愈少。」
而Emme則回應說：「我都唔想咁，唱快歌要配合咋，中間透明我都加塊布，太性感呀。我都黐晒膠貼，除非轉形象啦，着呢啲衫係好危險易走光。」Emme又指模仿克勤的參賽者扮得十分神似，又透露自己十多歲時曾扮梅艷芳唱《將冰山劈開》參加比賽，還奪得亞軍，Emme說：「我重扮過顧修全博士，梳個中間分界頭。」
而余文樂則透露他為出席音樂會而缺席好友婚宴，並表示很羨慕好友成家立室，他說：「我欠一個好伴侶，又撞唔到個啱心水嘅，好似克勤咪好，有個女人幫佢背後打點，默默支持佢，我就冇本事，冇運氣遇到咁好嘅女仔。」
至於克勤談到其新歌《空中飛人》時，透露本來是寫「亮晶晶」的愛情故事，歌詞十分貼合田亮與郭晶晶近日的感情狀況，克勤說：「我冇諗過佢哋會發生呢啲事，寫完咁啱會咁脗合，惟有下次寫白頭到老，佳偶天成，寫多首年生貴子畀陳奕迅啦！」
問到克勤有沒有生孩子的打算時，他說：「最快都農曆年後先計劃，我好傳統要做完啲禮儀先計劃，年尾要搏殺呀，兒女私情放一邊。」
採訪：卓寶花
攝影：陳偉權
