由特首半熱門太子章統領嘅教育統籌局，經常撩是鬥非，但係人哋批評佢時又唔高興。前任勞工處助理處長周東山轉行開辦語文學校之後，上禮拜開炮抨擊教統局局長李國章對私校唔了解，過時嘅私校註冊制度都重要保留。 太子章自己唔出聲，由隻馬嚟還擊，教統局署理首席助理秘書長鄭芷馨噚日長篇大論喺網上回應周東山，但係又唔敢直呼其名，用「某位退休公務員」嚟形容周東山，不但批評周東山混淆視聽，兼且質疑佢無非為咗免費宣傳，讀者有興趣可以click入www.emb.gov.hk 嘅最新一期《局中人語》慢慢睇。 傳真︰2623-9278 電郵︰[email protected]