自從四年半前先天殘障的幼子出世後，阿珍便以醫院為家，過着日夜顛倒的生活。
「我大部份時間都留喺醫院陪佢，但同時間忽略咗屋企兩個仔，令佢哋好唔開心。」左右為難的阿珍愁眉苦臉地說。
單親路本已不易走，加上育有一名殘疾兒子，阿珍的道路更是崎嶇。
其幼子因四肢殘障，且患腦神經疾病，要二十四小時借助儀器維持呼吸，自出娘胎以來，便一直留院，直至最近情況較為穩定，醫生才批准他出院回家，與家人團聚。
「為咗接囝囝返屋企，我特別向房屋署申請調配一個大啲嘅單位，等佢有地方擺放呼吸機、沖涼床同輪椅，不過就煩緊冇搬遷費。」
四十一歲的阿珍，年前與丈夫離婚，她因要照顧患病兒子，無法工作，遂與十四歲次子及幼子三人，靠領綜援金生活，十八歲長子則自行當散工賺取生活。
「我好期待四母子可以過番正常嘅家庭生活，但亦好閉翳，因為新屋所有嘢都要自己畀錢，水、電、煤氣又要重新交過按金，呢啲社會福利署都幫唔到我。」阿珍說。
蘋果日報慈善基金了解阿珍的需要後，已撥款一萬元，助她應付搬遷開支，減輕其經濟壓力。
捐款編號：C1523
暖流熱線
電話：29908688
傳真：23702192
電郵：
網址：