鄭融日前在銅鑼灣一間咖啡店內拍攝新歌MV，找來余文樂當男主角，有「𠝹女王」之稱的余文樂遇上收起性感扮演店員的鄭融，問余文樂會否揀鄭融傳緋聞，他即說：「一定唔會，冇可能。」
鄭融日前在銅鑼灣一間咖啡店內拍攝新歌《失縱主角》MV，請來同唱片公司的余文樂擔任男角。早前鄭融穿上短裙在新歌《紅花會》MV中狂扭纖腰，大放電力，不過今次她拍《失》歌MV就收起性感，扮演一名簡樸的咖啡店店員，與扮演客人的余文樂上演MV版的《向左走．向右走》，講述兩人在互不知情下經常相遇。
拍攝當日余文樂剛從新加坡返港，之前又在內地工作，略見疲態，但沒有影響工作。當導演要鄭融以眼神交代時，她卻有點吃力，她笑說：「阿樂一埋位啲眼神就嚟，要跟佢學嘢。真係唔好意思，佢咁攰都要佢幫手拍MV。佢唔嫌棄我冇演技，我將來一定會做番佢嘅MV女角。」
鄭融又稱余文樂是好師兄，但問她會否擔心與對方傳緋聞？她即說：「唔會過到電，唔會有咁嘅感覺，都冇feel。」
至於余文樂早前曾聲稱對黃伊汶的緋聞感到很悶，有意轉換緋聞對象，問他會否揀鄭融傳緋聞？他笑說：「呢個更加一定唔會，冇可能，係兩回事，唔好搞咁多嘢，如果傳我同鄭融，出面都冇人信啦。」
採訪：李珮洳 攝影：仇志德
