黃榕與雷凱欣日前齊以比堅尼水着示人，前者為迎瘦身風只日吃一餐，體重激跌至九十磅，上圍由32C降至31A，至於擁有32D上圍的雷凱欣就憑驕人身材令人留下深印象，兩位性感雙妹嘜一大一細，形成強烈對比。
現年二十四歲的黃榕及二十一歲的雷凱欣同為英皇旗下澤星（國際）娛樂有限公司新簽的藝人，這對性感雙妹嘜日前在龍蝦灣拍照，齊以水着示人，本來身材不俗的黃榕近期卻突然激瘦，體重僅得九十磅，上圍更由原先的32C降至31A，腰圍亦僅得二十二吋，當她站在擁有32D豐滿上圍的雷凱欣身旁時，更令人覺得我見猶憐。
黃榕日前在將軍澳接受本報訪問時說：「我𠵱家有九十磅度啦，我怕肥呀嘛，一日食一餐囉，瘦到連胸都冇埋，但我好滿意，我冇羨慕人哋大胸呀，我鍾意高、瘦、平。」
雷凱欣的情況就剛巧與黃榕相反，她在近半年來，體重上升超過十磅，令身形愈見圓潤，她說：「因為為食囉，本來我身材幾好，𠵱家就幾悲哀，本來我對自己嘅身材幾有自豪感，我好鍾意睇跳Hiphop舞嘅MV，好誘惑，我對住塊鏡跟住跳嘅時候，都覺得好性感，但我屋企人太好，自從今年農曆年開始，佢哋畀太多營養我，𠵱家惟有玩多啲呼拉圈啦。」
未知擁有魔鬼身材的雷凱欣，曾否因而被人博懵？她笑說：「都試過過馬路時，後面有個男人迫埋嚟，我咪批踭囉，平時我就唔多feel到有呢啲嘢，因為我係以turbo腳行路，我好識得保護自己嘅。」
採訪：朱倬誼 攝影：林德雄
髮型、化妝：Hana&Kathy 泳衣：頌雅有限公司
