吳嘉龍和數位外籍模特兒昨日在金鐘為西武男裝騷擔任模特兒，事後他表示十分喜歡其中一件皮褸，感覺很型，他平時亦喜歡穿着一些比較型的衣服，但不一定要名牌。
吳嘉龍有份主演的電影《桃色》將於月尾上映，他自言心情十分緊張，他說：「呢部戲同一般港產片唔同，係一部怪片，個故事同美術都好新奇，雖然我喺戲入面冇對白，但都好鍾意個角色，不過爸爸（吳耀漢）喺英國，未必去睇首映。」
此外，吳嘉龍早前拍了一輯露股照，問他為何如此突破，他反問：「whynot?我同一個攝影師打算出寫真，預計年尾或者出年年頭出，遲啲重會去泰國森林取景，不過就一定會遮住家傳之寶。」