名模陳嘉容和蔣怡昨日在紅磡出席香港西班牙節活動，品嘗全港最大、直徑達一點五米的西班牙海鮮炒飯。提到西班牙，陳嘉容難忘到當地玩樂和購物；蔣怡則愛當地熱情浪漫。
香港西班牙節2004日內開幕，名模陳嘉容及蔣怡昨日應邀到紅磡出席記者招待會，兩人即場品嘗全港最大、直徑達一點五米的西班牙海鮮炒飯。
陳嘉容透露最難忘四、五年前的西班牙之旅，她表示跟香港貿易發展局到當地工作，初時玩樂購物甚開心，收工又與模特兒及工作人員夜觀著名的費林明高舞蹈（flamencodance），她說：「可惜後來食錯嘢，食咗啲半生熟蛋，開始狂嘔，入醫院先知食物中毒，重要留院㖭，後來足足瘦咗十五磅，個trip真係難忘。」
陳嘉容剛參加完歐陽妙芝的婚禮，自澳洲返港，她說：「我事前都冇通知佢，重講大話叫佢去澳洲幫我買維他命，之後我去到敲佢房門佢先知，佢真係好surprise！我見到佢哋交換戒指、接吻，真係好感動！」陳嘉容又笑謂每次參加婚禮都搶花球，可惜從未成功，所以至今仍嫁杏無期。
蔣怡昨日穿上低腰紮染裙，甚為搶鏡。她表示愛煞西班牙的熱情浪漫，卻未有機會與男友同遊。提到她有份參演的《新警察故事》可能開拍續集，蔣怡說：「唔知喎，不過我個角色已經死咗。有人話我嘅角色係花瓶，我就唔覺得囉！」
採訪、攝影：RitaLeung
