「𠵱家嘅觀眾好開通」
楊思琦、李永豪女上男下街坊受落

楊思琦自從成為豐胸產品代言人後，人氣上升，事業遠遠拋離男友李永豪。對於施明曾表示心痛兒子被形容為「癩蝦蟆食天鵝肉」，思琦坦言男友確曾為此不快，但他現已想通，且兩人的感情已獲街坊認同。

擁驕人身材的楊思琦，自從擔任秀身文化豐胸及瘦身產品代言人後，頻頻以性感衣着出席宣傳活動，人氣上升。反觀其男友李永豪的事業卻停滯不前，不過思琦對這段情仍充滿信心。

「佢反過嚟安慰我」
思琦日前在銅鑼灣接受記者訪問，問她覺不覺得在事業上已拋離李永豪？思琦說：「我哋有溝通，佢𠵱家暫時未有機會，但第日重有發展空間，兩個人相處要互相尊重，做著名藝人嘅後代總會有壓力，反而係佢成日安慰同開解我。」
李永豪的母親施明曾表示心痛兒子與思琦拍拖後，被形容為「癩蝦蟆食天鵝肉」，思琦說：「初頭佢（李永豪）係好唔開心，但佢𠵱家諗通咗，都冇乜嘢啦。我哋一齊出去時，街坊重好熱情，好開心見到我哋一齊，𠵱家嘅觀眾好開通，我哋亦相處得好愉快。」
近期思琦常以性感裝束示人，想不到男友並沒抱怨，思琦說：「我嘅打扮都係健康，又唔係着晒成套三點式，連佢都讚我比以前弗咗，佢都開心㗎。」

密食多餐保健美
問思琦有何健美心得？她說：「每餐唔好食得太飽，但又唔好十幾個鐘唔食嘢，一次過食會令胃腩好大，又要密食多餐，同埋飲多啲水同靚湯，因為排洩唔到會令塊面出暗瘡。我每日都會舉水樽做運動，咁就唔會有拜拜肉。」
採訪：朱倬誼　攝影：陳志嵐
部份服裝：SistyrMoon
場地：阿拉麵館