林憶蓮早前為護膚品拍攝全新的電視及硬照廣告，場景布置與工作人員的熱誠，令憶蓮有置身家中的感覺。對食和護膚一樣重視的憶蓮，還親自炮製拿手的醉雞慰勞大家。
林憶蓮自早前成為護膚品牌SK-II的代言人後，已開始一連串的宣傳活動，日前她一連兩天在元朗嘉農片場拍攝了全新一輯電視及硬照廣告。
雖然要馬不停蹄工作，但憶蓮並沒有半點怨言，皆因片場中的場景布置令憶蓮有置身於家中的感覺，她說：「真係好鍾意個布置，好舒服、好整潔，令人感到好輕鬆，畀我有家嘅感覺！加上大家工作人員都合作得好開心，對我嚟講，整體嘅工作氣氛好重要，溝通好好，就好似一家人一齊玩，感覺好舒服。」她還開玩笑說：「所以我已經秘密訂咗要呢張茶几同呢張梳化㖭！」
憶蓮自小受到媽媽及婆婆的薰陶，對烹調上海菜甚有心得，為慰勞工作人員，憶蓮更專誠於拍攝第二天，親手炮製了拿手的醉雞給工作人員品嘗。
談到烹飪，憶蓮不諱言說：「我一向都好鍾意煮嘢食，唔敢話自己叻，但由細開始睇到媽咪同婆婆煮嘢食，加上自己又鍾意研究，唔係純粹醫肚咁簡單。」
憶蓮又說：「其實烹飪就同護膚理念一樣，想肌膚有最佳狀態，就要時刻小心呵護；天氣轉換或者唔同嘅日子，就要配合用不同產品，身體由內至外調理好，就會相得益彰。」
