曾蔭權噚日牛一，花甲大壽。曾太中午為佢喺鏞記擺番一圍酒，請晒煲呔啲手下包括司機食燒鵝，都幾有人情味。
八方翻吓煲呔嘅資料，佢四四年十月七日生，土共暴動嘅六七年加入政府做EO，由於表現出色，升得好快，七一年轉入AO行列，一直官運甚佳，升至十八萬公務員之首，九七年榮獲英廷頒爵士勳銜，然後又過底董班子，做「問責高官」，咁就不受公務員六十歲退休嘅限制（雖然陳四萬當年都冇退），最近權哥更人氣急升，有機做第三屆特首㖭，係咪值得恭喜呢。
八方噚日喺鏞記門口見佢精神奕奕，問佢點睇今屆立法會？佢笑話政府同傳媒一樣「都幾好玩」，可圈可點。
（圖）曾太為丈夫慶祝生日。
傳真︰2623-9278
電郵︰