劉德華日前為宣傳新片《龍鳳鬥》在中環接受訪問，工作忙碌的他原來亦會追看電視劇。雖然他未曾看過熱哄全城的《金枝慾孽》，但就有收看其他電視劇如《隔世追兇》。問華仔有否欣賞深夜重播、由麥浚龍（Juno）主演的《律政新人王》時，華仔即抵死地說：「呢啲我梗係唔會睇啦。」
華仔坦言有興趣再拍電視劇，但他為怕順得哥情失嫂意，故暫不考慮，華仔說：「如果我拍電視劇，就唔知要交幾多人情，可能一拍就要拍五個，而且我驚啲人覺得我奄尖。」此外，華仔表示已欣賞過王家衞電影《2046》，他說：「佢喺王家衞咁多作品中唔算差，係有水準，未來嗰部份亦都處理得唔錯。」
採訪、攝影：駱華齡