雖然立法會選舉都過咗，但係針對民主派嘅黑材料就未有停過，前日又有人揭大班過氣情史，重搵狄娜大爆大班以前追過佢，又踩大班個人唔掂，咁啱大班太太勞錦嫦噚日去立法會睇老公宣誓，重帶埋自己媽媽，即係大班外母去，據知大班媽媽喺加拿大，佢老人家唔鍾意香港，所以冇叫佢由加拿大返香港睇大班宣誓。
八方問勞錦嫦知唔知大班同狄娜嘅情史，佢話嗰啲事佢一早知，大班睇完報道好㷫，佢勸大班應該大量啲，人哋要講就由得人講，無謂再回應，佢又話唔知係咪因為大班噚日宣誓，所以有人特登大做文章，不過有人搵得狄娜講呢啲野，有乜目的大家都知喇！勞錦嫦又話唔會幫大班做立法會事務，因為佢都唔識，大班自己會搵人幫佢手。
（圖）勞錦嫦（左）帶埋阿媽（右）嚟捧老公場。
傳真︰2623-9278
電郵︰