東亞銀行於中環總行開理財中心，噚日五點幾開幕，唔知係咪地點就腳，到賀嘅嘉賓特別多，董事李福善、蒙民偉、羅友禮同寶Baby立法會戰友涂謹申都有到場，教統局局長李國章也在場。
寶Baby係立法會宣完誓後，行幾步就可以返去總行剪綵，一入到嚟見到咁多老友，梗係圍住傾偈。八方從遠處見到Baby講到手舞足蹈，有幾下動作好似長毛宣誓時舉嗰幾下手，都唔知Baby係咪扮長毛畀佢啲老友睇，總之大家都好開心。最有趣係，做細佬嘅李國章到賀，竟然搵自己大佬握手，重靜靜雞畀咗封利是寶Baby，莫非係李家特有傳統？
傳真︰2623-9278
電郵︰