新一屆立法會噚日開學，八方都去湊吓高興，只見記者室人頭湧湧。忽然間見到工聯會嘅陳婉嫻好似個大家姐咁，帶住兩個新同學王國興同鄺志堅出現，重大派卡片。王國興同鄺志堅雖然係立法會新丁，但係其實已出道好耐，資歷夠晒。
嫻姐就笑笑口話自己係老鬼，所以已經成功取得下周第一個辯論嘅檔期，題目梗係離唔開最低工資同最高工時，最啱打工仔聽係佢會呼籲老闆加人工。
兩位新丁亦會就公務員等問題提動議辯論，當然佢哋要排隊冇得急於表現。
（圖）嫻姐帶住兩個新丁王國興（中）同鄺志堅（右）喺立法會亮相。
傳真︰2623-9278
電郵︰