早陣子，筆者曾率先披露過標致代理有計劃引入大型MPV車系的807到港，言猶在耳新車經已火速抵港，代理還安排Pre-launch畀班VIP貴客由今個周一至周日，到Showroom睇車先睹為快！之不過若然大家好似筆者咁，對部807新車有興趣的話，亦可以去睇吓！新車系除卻入門七座位版（$279,000）外，還有全真皮座椅的八座位（$299,000）型號，標準裝備包括雙電動趟門、車頂前後三個獨立電天窗、前後三排合共十個安全氣袋，還有前後獨立冷氣連送風裝置，以一台2.0公升直4DOHC引擎（馬力138匹）及4前速半自動波箱作主打，在同級車中亦有一定號召力！
記者、攝影：陳偉林