梁漢文（梁炳）昨日在商台接受《叱咤樂壇》節目訪問，談到好友陳奕迅（Eason）和徐濠縈生了BB女，梁炳說：「我覺得BB個鼻最似Eason，同埋我哋見到BB人生第一次大便，佢放屁聲好響，好似Eason㗎！
「佢兩公婆幫BB換尿片時，一個話咁整，另一個又話唔係咁整。其實阿徐陀BB時，個BB都好活躍，好似Eason。噚日喺醫院阿徐都周圍走招呼我哋，好多朋友都有去睇佢。」
此外，馮德倫、何超儀和陳子聰、陳家瑛以及徐濠縈弟弟前晚均到醫院探望徐濠縈，陳家瑛表示BB又肥又白又得意，問她Eason的心情如何，陳家瑛說：「佢梗開心，唔使佢生，佢有陪老婆生呀。」
而楊受成昨日亦往醫院探望，問他到底Eason可會續約英皇，楊受成聞言即沉默離場。
採訪、攝影：王連連、楊潔雯、駱華齡