美國怪異歌手MarilynManson計劃同女友DitavonTeese下個月結婚，佢哋𠵱家喺德國柏林搵緊座合適嘅古堡舉行婚禮，唔知一向言行出位嘅Manson，行禮時會唔會有啲令人意想不到嘅舉動呢？
另外，Manson最近推出精選碟《LestWeForget》，限量特別版重附送佢入行以嚟嘅三級MV嘅DVD，當中包括新歌《PersonalJesus》。Manson喺呢個MV入面唔止以一貫白面look示人，重同班女舞蹈員喺鏡頭前鬼混，其中一個女dancer重拉開上衣，露出兩點。
而個MV入面又出現希特拉、甘地同喬治布殊等政界領袖，Manson手上又有好似俾人釘過嘅血印，期間重出現咗一班邪氣修女，佢哋送咗個BB畀Manson，B仔見到Manson個樣咁恐怖，喊到唔停口，Manson就將B仔掟落地。鏡頭一轉，B仔就變咗個粉碎嘅錢罌。Manson話：「呢首歌有好多隱喻，正反映我對政治同宗教嘅睇法。」