陳豪繼《金枝慾孽》後將參演古裝劇《秀才遇着兵》，他飾演愛嫖妓的風流秀才，而周麗淇則飾演武功了得的捕快，昨日出席記者會時，陳豪開玩笑說今次大可攞正牌去玩。
無綫古裝喜劇《秀才遇着兵》昨日在將軍澳電視廣播城舉行造型記者會，除了陳豪、周麗淇、米雪、黎耀祥、譚小環和元華外，無綫更情商李力持參與演出。
周麗淇飾演捕快，陳豪則演十分風流及喜歡嫖妓的秀才。周麗淇說：「近排我跟師傅練一字馬同拱橋，搞到成日搽跌打酒多過香水，又成日貼住膏貼，成個阿婆咁。我真係好羨慕如妃（指鄧萃雯）拍《金枝慾孽》，咁多靚衫着。其實我咁練功，體力方面都會有進步，我練到一身好武功，將來又可以參演台慶節目㖭。」
周麗淇續說：「我成日要練棍，有日打親個武師，我都覺得好唔好意思。早排我整親背脊，𠵱家又因為練嘢搞到情況變壞，所以打觔斗唔可以親身上陣，要用替身。」
陳豪則笑說：「今次我飾演嘅角色好風流，可以攞正牌去玩，而且呢部係喜劇，可以發掘自己喜劇潛能。」此外，李力持表示今次是友情客串，只象徵式收取利是一封，他說：「其實好多電視人都好有潛質拍戲，好似鄧萃雯同陳豪咁，我都想睇吓有冇機會同佢哋合作，所以今次我幫無綫拍劇，都係為公為私。」
採訪：卓寶花
攝影：陳慧安
