早兩日新進水貨界猛人「UA強」，勁踩香港藝人「猩猩舞王子」吹噓自己同日本Ape搞Crossover，重鬧埋班消費者冇腦，乜都信晒啲Artist或傳媒講，冇晒獨立思考能力，佢激動得連面上枯乾的暗瘡也差點爆裂：「我所認識嘅香港創作人，個個都係井底蛙！可能我識得人少，識唔到啲心胸廣闊嘅Artist喇！我識嗰班只不過識得Rap兩句或噴兩嘢，加幾個Fans支持就以為自己坐正，重成日高呼要做啲嘢畀外國潮圈睇，等人哋知道香港地都有創作人，唔好被人睇小，𠵱家叫你扮李小龍出嚟表演踢東亞病夫牌匾咩？加埋有啲懵盛盛嘅潮流版記者，冇判斷能力唔識分黑同白，例如早排法國A.P.C.賣緊美國Vans對藍色SlipOn，佢哋又當成係Crossover。大佬呀，人哋A.P.C.覺得呢對鞋襯今季主題，咪入嚟賣吓囉，香港A.P.C.個Buyer都周圍Quote價，從外圍引入呢批Vans。呢批鞋並唔係由A.P.C.同Vans共同開發，唔可以叫Crossover㗎。即係劉錫賢拍廟街桑拿廣告，唔通你又寫話劉錫賢×廟街桑拿咩？唔該大家唔好再濫用Crossover同個乘字囉！」
主持人：大食Jack
八卦熱報：