立法會秘書長馮載祥被長毛搞到周身唔得閒，長毛「監人同佢宣誓」，認真罕有同出位，搞到馮載祥一頭煙，咁主席又未選出，佢都要頂硬上，而且長毛今時唔同往日，既有六萬多選民支持，又係候任議員，即係馮生新老闆，佢點可以掉以輕心。
本來Ricky馮嘅太座Jenny早前喺雅典交通意外受傷，佢好應該多啲陪老婆，但係咁嘅時勢，點可以告假行開。
八方聽聞身為電盈高層嘅馮太馬潔嫻已經隨傷殘人士奧運代表隊返港休養，聽醫生吩咐，暫時唔可以返工，原來馮太雖然表面傷勢唔重，但係內臟受傷，應該係個肝有事，所以重要唞吓。
馮太一向甚為活躍，同馮載祥如一對孖寶，今次受傷，好多人慰問，佢話真係要多謝各界關心喎。
傳真︰2623-9278
電郵︰