立法會三大惡人之一鄭經翰（圖）乜人都唔驚，連維園阿伯都照窒，但係對於最近有親中傳媒日日攞佢住喺加拿大嘅阿媽嚟做新聞，佢感到好氣憤。佢噚日同八方講，當日佢參選時同維園阿伯講過，佢冇帶阿媽出嚟選，叫佢哋唔好問候佢阿媽。
到𠵱家，佢亦想同傳媒講，係佢鄭經翰做立法會議員，唔係佢阿媽，請大家高抬貴手，唔好再玩佢已經八十高齡嘅母親。
大班又澄清，佢阿媽唔係住喺廉租屋，個啲樓原來係合作社，鄭老太已經搬走咗，而就算住喺廉租屋或者唐人街，又有乜問題，講到尾，大班覺得啲親中傳媒好無聊。
「我自己百毒不侵，我希望傳媒唔好再搞佢老人家。」
講阿媽大班好㷫，但一講傳聞女友好似狄娜咁，佢就笑番，重話中環啲人封佢做偶像。睇嚟女人係大班嘅死穴，而佢𠵱家最怕嘅女人，當然係老婆大人勞錦嫦啦。
傳真︰2623-9278
電郵︰