歌星譚詠麟噚日忽然講吓時事，講到日前首次獲邀出席國慶酒會嘅長毛，校長就跟隨左嘴話有啲「唔開心」，由於當日長毛着上一件寫上抗議字句嘅T恤，重喺會場度喧嘩，高叫口號，令阿麟感到「迷惑」，重覺得佢有啲「失禮」。
今日就係候任立法會議員宣誓嘅日子，阿麟就畀咗啲意見長毛話：「佢應該自己諗諗應該點，宣誓就一定要，除非佢劈炮唔做，劈炮就真係高，貫徹始終。」
連藝人都竟然咁關心長毛嘅一舉一動，八方覺得佢一定收到，長毛亦好清楚啲選民點解投佢一票，大家就係想佢入立法會為民請命，宣誓只係一種可以當食生菜嘅形式，幾多人誓言旦旦為香港人謀幸福，結果個袋有本外國護照，除咗上北京握吓手，四年乜都冇做到，甚至謾罵港人，呢啲人先至應該睇小。
傳真︰2623-9278
電郵︰