立會資訊科技界選舉，表面似乎「無驚無險」由單仲偕成功連任，但實際上單仲偕僅以300多票擊退快譯通老闆譚偉豪。阿單話選舉係公平遊戲，由始至終抱住「許勝不許敗」嘅心態，「賽果」對他來說，是「輸了」，警愓自己未來四年要加倍努力。
選舉中，單仲偕嘅民主黨背景，被對手指為「協助業界進軍祖國的包袱同負資產」，在CEPA當道嘅大環境下，令佢嘅行情一度被「看淡」。單仲偕話好明白自己嘅「弱點」係乜嘢，但成功連任，正反映業界真正嘅渴求。佢又話但凡講到開展中國商機，中央係會搵合適嘅對口單位，如信息產業部對工商科技局，故佢嘅民主黨背景，唔會成為協助業界爭取CEPA商機嘅絆腳石。事實上，佢國慶獲邀上京觀禮，完成民主黨嘅破冰之旅。
單仲偕笑稱，作為議員，格言係「清心寡慾、行為檢點、無任何利益關係」，而去任何地方，都帶太座同行，就一定冇錯。
傳真︰2623-9278
電郵︰