筆者在早前法國巴黎車展上，看到福士部全新GolfGTi型號，果然不負眾望真係好搶鏡，現場重吸引到唔少Fans圍觀！其實除咗GolfGTi搶眼之外，擺放在另一旁的全新TouaregSport亦備受矚目，唔單止係佢一身彩藍車身色夠出位，因近期一眾至Top的SUV車競爭白熱化，不斷加推新裝備之餘，更不惜將引擎容積推高。
這部TouaregSport亦不甘示弱，除一身更富動感的包裝，以及四輪加大碼20吋跑車合金胎軨配襯外，引擎重係現時至新又至Top的6.0公升W12型號。
據筆者打探所知，這輛SUV車新貴亦好有機會到港發售，之不過明年福士的新車款陸續有來，當然少不了還有全新加大碼媲美奧迪A6的Passat車系，其中除入門版配備2.0公升FSI引擎外，頂級版重新加有4.2公升V8引擎組合，絕對是最強組合！
記者、攝影：陳偉林