被控侵犯兒童嘅米高積遜（MichaelJackson），其代表律師日前入稟法院，向法官申請要求撤換代表控方嘅聖芭芭拉縣地區檢察官辦事處，不過由於申請嘅內容可能會涉及案件嘅證據，所以米高律師並冇透露呢個行動嘅原因。據法律界人士表示，法官通常唔批准撤換整個辦事處，但係如果申請真係成功，咁估計州政府嘅檢察官辦事處會接手呢單案。