精明消費：
餐桌求突破枱面枱腳玩花臣
綜觀各大小家具店，現今餐枱款式除玩Design外，還有不少專為細小居室度身訂做的慳位設計，亦有隨時可變大變細的伸縮款式。無論你嗰間係豪宅抑或係細小斗室，都不妨先睇睇以下介紹，話唔定有一款啱用！
記者：黃婉冰
攝影：楊錦文
Model：Irene
傳統餐枱着重設計
咪以為全部餐枱都係一塊木加四隻腳咁簡單，其實質料同設計都可以有好多變化和配搭。好像特別加設儲物格或抽屜的款式，就可用來放雜物或餐具，所以不論你是實際之人抑或屬品味之士，都會揀到心水貨！
中置儲物箱放餐具
尺寸：長125×闊79×高72cm
ANTTIS餐枱，枱面質料是聚丙烯塑膠，不易刮花。枱腳選用鋼料，枱中央附設儲物櫃，配合不銹鋼箱蓋，可將餐具或調味料整齊收納，儲物箱更可拆除清洗，方便衞生。
售價：$650（餐枱）（a）
有型有款：功夫枱中西合璧
尺寸：長160×闊75×高74cm
這張KungFu餐枱，枱腳設計成中國古代的木椅，配上強化玻璃枱面，集中西元素。可另購同款餐椅組成一套，每張$1,800。
售價：$4,200（餐枱）（c）
原始木紋枱腳
尺寸：直徑120×高75cm
枱腳用ZebranoWood實心木製造，木紋帶着濃厚原始味，枱腳四個角刻意造成圓滑效果，富時代感與原始風格，可配襯其他木色家具。
售價：$12,000（餐枱）（c）
鋼製層格放雜物
尺寸：長150×闊78×高75cm
玻璃枱面有助增強空間感，另一賣點是枱面下設有鋼製格仔儲物層格，可用來擺放雜誌或其他雜物，連雜誌架都慳番唔使買。
售價：$990（餐枱）（a）
夠耐用：高貴雲石枱面
尺寸：長128×闊86×高74cm
這張長餐枱的枱面選用雲石，枱腳則用木製成，雲石襯木材，高貴、耐用兼容易清潔。圓腳及圓枱角設計，可避免小朋友撞傷。
售價：$6,900（餐枱）（c）
藤織款反璞歸真
尺寸：長96.3×闊52.5×高73.4cm
想要款式獨特又唔會太大張的餐枱，可考慮這套希臘藤織餐枱組合。全張以兩種顏色的藤織成，配上纖幼的櫈腳及玻璃枱面，可提升空間感，枱面下設有層格可放雜誌。
原價：$960
特價：$798（連兩椅）（d）
做埋麻雀枱
尺寸：長90×闊90×高75cm
木製四方枱，款式簡約，四邊各有一個抽屜，既可做飯枱，加上麻雀板後又可充當麻雀枱，一枱兩用。木料染上黑色後，效果比原身木色更特別。
售價：$2,880（餐枱）（c）
經濟之選：大件夾抵食
尺寸：長118×闊75×高74cm
要錫住荷包，首推呢款以實心松木製成的餐枱組合，一張四方餐枱連四張餐椅，一千蚊有找，夠晒經濟。外觀充滿鄉村風味，小家庭最適用。
售價：$990（連四椅）（a）
伸縮枱面由細變大
若你屬於好客之人，成日請埋一大堆朋友開餐，但屋企空間又有限的話，伸展式餐枱會較適合。時下有好多新款伸縮餐枱，唔止可以由細變大，有些更可以搖身變成麻雀枱，打完幾圈即刻又可以開枱食飯，方便快捷。
活動層板用途多
尺寸：長150/200×闊85×高73cm
實心樺木長餐枱內有乾坤，枱底設有一塊活動式延伸板，可拉出充當SideTable。另外，枱的另一邊枱腳設有活輪，可將枱框伸延，然後將延伸板全塊抽出放上去，就可將枱面變長。
售價：$1,990（餐枱）（a）
最多用途：餐桌麻雀枱二合一
尺寸：長80/160×闊80×高75cm
以原色橡膠木製成的四方餐枱，四邊設有抽屜，放上附送的橡膠木麻雀板，就即時變成麻雀枱。對摺式枱面打開後，面積可增大一倍，可坐八至十人。
原價：$3,649
特價：$1,680（連四椅）（d）
橡木長枱富田園風味
尺寸：長175/218×闊260×高95cm
六人橡木長餐枱，染上深棕黑色，帶有濃濃的鄉村風味。枱面板下收有兩塊附加板，將餐枱頭尾兩邊拉開，再將附加板抽起打開平放，就可坐足10個人。
售價：$2,590（餐枱）（a）
仿古簡約設計
尺寸：長140/190×闊90×高70cm
實心木長餐枱，設計簡單，適合追求簡約及自然的家居布置。枱面下藏有兩塊附加板，只要將枱面向外拉，將中間的附加板打開，就可變成一張十人長枱。
售價：$3,930（餐枱）（b）
玻璃枱面易清潔
尺寸：長120/149.4×闊80.6×高73.75cm
這張櫻桃色木枱，用上磨砂白色玻璃做枱面，既有木枱的耐用性，玻璃枱面亦易於打理及清潔。枱面兩邊拉開，將中間收在枱下的層板向上拉再攤開，方形枱面變成長枱，可多坐兩個人。
原價：$2,800
特價：$1,750（連四椅）（d）
摺枱體積細 啱小家庭
屋仔只得豆腐膶咁細，但又想有更多空間？唔使諗咁多，摺枱係最佳之選，坐得人多又夠慳位，要平、靚、正可以揀傳統兩邊開摺款式，重有其他玩形狀設計的枱款，選擇夠晒多。
三角形最啱放角位
尺寸：長107×闊77×高73cm
連角位都唔想嘥？LOKK這款三角形摺枱最啱，枱面設計成三角形，放在角位啱啱好。將另一半打開就可變成四方餐枱，可坐四個人，又可以畀小朋友做埋書枱，一舉兩得。
售價：$595（餐枱）（a）
店舖資料：
(a）宜家傢俬銅鑼灣告士打道310號柏寧酒店地庫31250888
(b）tintliving銅鑼灣邊寧頓街5號31043105
(c）G.O.D銅鑼灣禮頓中心（霎東街入口）28905555
(d）翡翠籐器紅磡黃埔花園十二期地下4號舖23330481
枱底放摺椅
尺寸：長33.75×闊87.5×高75cm
最傳統的雙摺式雞翼餐枱，兩邊開合式設計，將兩邊摺板放下就變得非常慳位。隨枱的四張摺椅，摺合後可放在枱下的儲存格，枱側更設有抽屜放濕碎雜物。
原價：$2,976
特價：$1,168（連四摺椅）（d）
爪形枱腳夠穩陣
尺寸：直徑109×高76cm
以椈木製成的圓形摺枱，對摺雙開式設計，全張收摺起來深度只得8cm。全張打開可坐足6-8人，爪形枱腳設計既安全又穩陣，即使只開一半亦能四平八穩。
售價：$2,700（餐枱）（c）