老董唔知係因為遲咗交功課，抑話北京真係唔得閒，或者係中間出咗事，到噚日重未宣布楊永強繼任人周一嶽個大名。咁局長一日未定，醫管局主席一日都要懸空，皆因按規矩，主席由局長委任，一環扣一環，冇得爬頭。
老董一直屬意醫生當局長，但係醫管局主席就未必要由醫生做，吳光正當年接鍾士元，一做就做咗五年主席，之後先到羅嘉瑞醫生同梁醫生，所以話醫生未必係首要條件，反而呢個人要啱老董同新局長key。
如果唔使一定要搵醫生，咁醫管局嘅兩位成員林李靜文同胡定旭就變成有機上位，有人笑話，林太係老牌英資怡和太平洋顧問，而胡定旭不單係安永會計事務所遠東及中國香港區主席，重係政協，論政治正確，由胡出任適當啲。
傳真︰2623-9278
電郵︰