一年一度嘅渣打馬拉松又嚟啦！渣打馬拉松嘅主要贊助商渣打噚日搞咗個記者會，宣布喺明年二月舉行嘅馬拉松現已開始接受報名。佢哋話，由於上次報名非常踴躍，今次特登將報名上限大幅加至二萬八千名，截止日期為下月底，有興趣嘅人士好快啲手啦！
八方聽講，有好多渣打高層都拍心口話參加，但往年有份跑嘅渣打集團行政總裁戴維思就因為公事繁忙，未知能否抽空返香港參賽，不過，渣打香港揸fit人王冬勝就好大機會唔跑。八方唔清楚王生唔跑嘅原因，但係話晒都係香港最大粒嗰個，跑一段以示支持都好呀！
傳真︰2623-9278
電郵︰