有「國產木村拓哉」之稱嘅李雲迪嚟咗香港，佢噚日去港台第四台同樂迷直接交流，現場重有啲係新移民。
港台特別播番四年前雲迪喺第十四屆蕭邦國際鋼琴比賽中嘅錄音帶，李雲迪話，聽番覺得好有趣同有意思。諗番當年佢同屋企人由四川搬去深圳住，當時未攞過一個獎項，一切都好順理成章；後嚟獲獎啦，就去咗德國住，媽媽陪佢一個月就離開，得番佢一個人，起初好唔習慣，特別係食物方面，好彩佢自己識煮麵，「最緊要有辣椒醬。」
當然一個人喺異邦生活，好多嘢要克服，要學習獨立之餘，重要識妥協，有時遇到唔鍾意做嘅嘢都要做。咦，乜原來成咗名都要妥協？李雲迪就舉例話，好似佢自己本來剩係鍾意演奏，做音樂家，但係有時亦要做宣傳，好似今次佢來港交流，亦難免喺現場演奏一兩首新碟嘅樂章。
（圖）李雲迪（右二）嚟香港同樂迷直接交流。
傳真︰2623-9278
電郵︰