名模歐陽妙芝昨日與拍拖年多的男友Steven秘密往澳洲悉尼一間小教堂，在好友陳嘉容和至親見證下結婚。妙芝透露兩人行禮前夕十分緊張，丈夫更睡不着，於凌晨時分打電話要求妙芝陪他呢！
恭喜！恭喜！本地名模界又傳出喜訊，繼琦琦宣布懷有身孕後，三十三歲的歐陽妙芝昨日與拍拖一年多的男友Steven於澳洲悉尼海邊一間小教堂秘密行禮結婚。
妙芝事前曾表示與男友年底於香港結婚，但原來他們已秘密飛赴澳洲，昨日更在好友陳嘉容以及五、六十位至親好友見證和祝福下行禮，之後更遊船河慶祝。記者昨日越洋致電恭喜二人，妙芝興奮地說：「我哋兩個行禮時都好緊張，以為自己着過咁多次婚紗行show會冇乜特別，不過今日着住婚紗個人『硬晒軚』。Steven之前嗰晚更加瞓唔着，佢凌晨三點幾打電話叫我過去陪佢，不過我想做一個靚靚新娘，所以拒絕咗佢。」
妙芝還透露今次結婚最難忘的是兄嫂向她訓話，她說：「阿哥阿嫂前一晚向我訓話，叫我『一定要聽老公話，俾老公馴服。』我聽完之後就眼濕濕。」
在旁的Steven聞言即搶走電話說：「我一定會畀幸福佢。」妙芝笑言以後兩夫妻「有錢兩份使」，而他們行禮後會於澳洲度蜜月。
採訪：BeverlyWong
