轉眼間，何伯已經退休四年，積蓄亦已花光，面對前路，他彷徨不已。「我咁嘅年紀，好難再搵嘢做，最慘個女未出身，我重要供書教學。」七十二歲的何伯歎道。
何伯大半生在工廠工作，四年前，因為工廠北移，何伯遭解僱，被迫退休。
「當時公司賠咗五萬幾蚊畀我，我靠呢筆錢同少少積蓄，捱到今時今日；坦白講，咁多年『有出冇入』，乜都用晒啦。」
何伯的妻子早逝，他為口奔馳，一直將女兒寄養在保良局，直至三年前，兩父女才團聚。
「個女讀緊中五，𠵱家我開支好大，上個月開學，淨係畀佢買書、交學費、冷氣費已經用咗差唔多二千蚊，平日佢返學搭車、食飯都要錢，我真係唔知重可以捱幾耐。」
為減輕經濟壓力，何伯已向房屋署申請減免部份租金，另向社會福利署申領綜援金，惟有關申請仍在審批之中。蘋果日報慈善基金了解何伯的困境後，即時撥款五千元，助他度過經濟難關。
捐款編號：C1522
暖流熱線
電話：29908688
傳真：23702192
電郵：
網址：